Velkomin í Nauthólsvík!

Ylströnd – ylstrond@reykjavik.is – 411-5330
Siglunes – siglunes@reykjavik.is – 411-5340

9°C

Lofthiti

11.5°C

Sjávarhiti

2 m/s

Vindhraði

Síðasta athugun: 8/6/2026 10:00

Ylströndin.

Miðjarðahafsstemning í Norður Atlantshafi

Ylströndin í Nauthólsvík hefur sannarlega fest sig í sessi sem paradís í borgarlandinu sem laðar að jafnt innlenda sem erlenda gesti. Voldugir sjóvarnargarðar loka af fallegt lón þar sem kaldur sjór og heitt vatn renna saman í eitt. Inn fyrir garðana hefur verið dælt gullnum skeljasandi og minna þessar aðstæður meira á strendurnar við sægrænt Miðjarðarhafið en vík í nyrstu höfuðborg heims við Norður-Atlantshafið.

Afgreiðslutími

Mánudagur	10:00 – 19:00
Þriðjudagur	10:00 – 19:00
Miðvikudagur	10:00 – 19:00
Fimmtudagur	10:00 – 19:00
Föstudagur	10:00 – 19:00
Laugardagur	10:00 – 19:00
Sunnudagur	10:00 – 19:00

Smelltu hér til að sjá opnunartíma á almennum frídögum

Saga Nauthóls.

Bærinn Nauthóll var reistur um árið 1850. Hann var eitt margra nýbýla, sem risu í nágrenni Reykjavíkur á þessum tíma. Hann var hjáleiga frá Skildinganesbænum og stóð við fjölfarinn vegaslóða. Taugaveiki kom upp á bænum í kringum aldamótin 1900 og hann var brenndur. Tóftir hans sjást enn norðan við bílastæðin.

Í síðari heimsstyrjöldinni voru miklar herbúðir og umsvif á vegum setuliðsins umhverfis flugvöllinn. Í Nauthólsvíkinni var aðstaða fyrir sjóflugvélar, sem voru mikilvægar í orrustunni um Atlantshafið. Þar var m.a. norsk flugsveit. Minnisvarði um veru hennar hér stendur vestan þjónustuhúss Ylstrandar.

Nauthólsvík.

Vin í Miðborginni

Skógar Öskjuhlíðar, öldur Fossvogs og flóra Vatnsmýrar mætast í þeirri útivistarperlu sem liggur í bæjarstæði Nauthóls. Gamli bærinn er nú löngu vikinn fyrir nútímalegri aðstöðu til sjóbaða, siglinga og útiveru. Menningar- og íþróttasvið Reykjavíkur starfrækir siglingaklúbbinn Siglunes og Ylströndina í Nauthólsvík.

Senda inn myndir

Sjósund.